باص نقل البنات

خلونا ندخل داخل احد باصات نقل الطالبات
نروح لشلله البنات اللي ورا السايق عمو حمزة
- امي كالت ل خالي فيصل يودينا السوك اليوم
- مو كلتي خالج هذا مسافر لندن
- لا اللي مسافر هذاك حمودي خالي محمد
البنيه معرفتها على اسماء العائلة الكريمة ممبقية واحد

ومن جهة الخ نلكه شلة الحقن والسرنجات
- امتحان القواعد كلش جان صعب اليوم !!
- الي يسمعها خطية راح ترسب .............امي الي تطلع الاولى ع المرحلة بت الاوادم شكد يعجبج تبجين بوج الله........
- أي شنووووو والله..صعب ماعرفت الاعراب اني شكيت هو (جار ومجرور) لو (مجرور و جار)

ومن جهة أخرى نجد بنات النت...
- البارحة دخلت الجات وملكيتج ليش يوللي خير خوماكو شي؟؟
- داخلة بس انفزبل .........
- زين وبالمنتدى هم ماكو ضليت ادور على اسمج وماكو ولا دخلتي ليش؟
- بلي جنت موجودة .......بس مغيرة اسمي
- ليش غيرتيه؟
- مزاجيييييييييي !!
زين لعد اشو مدتردين على مواضيعي ابد؟ مو اني كلها رديت عليها وانتي ماكو ولا رد
- واللة مااحد جبرج تردين على مواضيعي ولااحد ضربج على ايدج وكللج راقبيها
لو ميتة من القهر حطوني مشرفة وانا مسجلة بعدك خخخخخ

وفي اخر الباص نجد الفن والطرب...
- بنات سمعتوا شريط كاظم الساهر الجديد والله روعه
- بس مو احسن من شريط ماجد المهندس
- اكول اسكتي بس انتي و هذا ماجد مالتج
- ايه والله كلش ولاالمرررطب اللي حاطه على شفتة خخخخ
- خخخخخخخخ لا بس حلو الولد شنو وهم صوتة حلو....
- أي بس ميوصل لكاظم!!
ومجموعة القافلين الا يتزوجون جماعة البيت تتكلم عن الطبخ
- اوهوووووووو ما اريد ارجع للبيت . بلكت اليوم ينزلني اخر وحدة يارب !!
- انتي غير زمالة .......... ليش شبيج؟
- ام حسن اليوم ماكو لو نسيتي؟؟؟؟؟؟؟؟ اليوم سبت ( عطلة الخدامة )
- اللي يسمعها يقول كل يوم تكرب بالمطبخ اللة يرحم حالي ا ني كل يوم عندي المطبخ والغسل وكلشي
- لا الحمدللة انا مرة الاسبوع خخخخخ
- ياحظي..صدك لج تعرفين شلون تتسوة البسبوسة ؟
- ما ادري..ايه عرفتها ........ تشترون العجين من المخبز وتسوون الحشوة بالبيت ............
عبالها سمبوسك خخخخخخخ

واما بنات الميك اب والموضة
- شفتي اخت العروسه البارحة روووووووعة وخصوصا فستانهاطالعة تخبل بتل بتل
- أي هواية!!!!!!! وشفتي الظل اللي مسويته ؟ قمة الغباء ليش مسويته جوةعيونها
- يابنتي هاي اخر مودة شبيج؟؟؟ هسة نازلة الاربعاء
- لا تحجون بمواضيع وهية كلشي متفتهم بيها خالة فهيمة
- نعم..!! شنو قصدج؟؟؟؟..هاي علية؟؟؟؟....شحدج
- لا ياماما على مرة عمي خخخخخخخخ

واخر شي الدجاااااااااااااااااات
- اريد الواجب مال انكليزي مال باجر
- وليش ماتحلي بنفسج ...... من غشنا فليس منا
- دسكتي لج دسكتي مو انتي ناقلته من اللي كاعدة يمج؟؟؟؟؟
- هاااه ...... خو انت بالشعبة كاعدة تراقبين جنج مخابرات
- اي..ديللة لتغلسين انطيني الدقتر دا احل...........يعني اجباري
- بالله انانقلته لانو احنا معزومين و ووراية طلعة اليوم انتي شكو؟؟؟؟
- والله....واني وراية شباك وبي دخلة ....... انطي الدقتر لج

هع هع والله عدهن سوالف الحاتات خنفشارية
_________________

awsalobaydi@yahoo.com

ههههههههههههههههههههههههههههههههههههههه و الله حلو الموضوع يخبل بس اكلك اخر شي مال درجات نحنا هم نسوي هيج ههههههههههههههههه
اشكرك للموضوع تقبل مروري
_________________

************************************************

I Need You Girl And I Couldn't Live A Day Without You

************************************************
Since You Left Me I Became
Body Without Soul
Fire Without Flame
************************************************

I Miss You

ههههههههههههههههههههه

شكراااااااااااااا
_________________

المشرفــــــــــــــ العام ــــــــــــ
IRAQI_MAN910@YAHOO.COM

ههههههههههههههههههه حلوة

خخخخخخخخخخخخخخى عاشت الايادي
_________________

***********************
Sometimes out my window
I notice that you've
been crying over him
And I wonder why you just don't
Kick him to the curb
Instead of giving in
************************************

هههههههههههههههههههههههههه
يسلموا
_________________
عااااااااااااشقة بغداد

مشكور على المورور
_________________

awsalobaydi@yahoo.com

ههههههههههههههههه

يسلمووووووووووو
_________________

شكرا عالموضوع بس تره اكو بنات يكعدون و يسكتون بالباص

مشكور على المرور الجميل
_________________

awsalobaydi@yahoo.com